مساء معطر بالحب على قلوبكم الصافية
هذا موضوع أتمنى يعجبكم وألقى تفاعل للنقاش فيه
الصراحة دورت على مقدمة بس ماحصلت لإن الموضوع لا يحتمل مقدمات وكلام منمق راح أبدأ مباشرة
أخوي الله يخليه لي ولا يحرمني منه كان راعي حركات يعني بنات وخرابيط الشباب هالأيام ...... إلخ
المهم كم مرة أقوله وأنصحه يبعد عن هالحركات وأقوله إذا مو خايف على نفسك خاف علي لأن العرض
دين ومن هالكلام فكان يقولي أنا واثق فيكِ ومو خايف إنك تسوي غلط بس قلتله ما تدري عن أصحاب
النفوس الضعيفة وفعلاَ بعد محاولات كثييييييرة إستجاب وحسيت تغير تعامله مع البنات وبعد فترة قطع
علاقته بالبنات اللي كان يكلمهم وزيادة على كذا نصحهم يتركوا هالحركات وانها بتضر سمعتهم وأهلهم
بس اللي صدمني كلام وحدة منهم بمسج بعد ما حاولت تكلم أخوي كذا مرة وما رد عليها كانت كاتبة
( أنا أعبدك وأسجد للتراب اللي تمشي عليه أحبك لا تتركني زيزو ) >>> طبعا زيزو أخوي حبيبي
إستغفر الله العظيم ... إستغفر الله العظيم ... إستغفر الله العظيم
أخواني وأخواتي هل وصلنا إلى ذلك المستوى المتدني من الأخلاق والفكر هل وصلنا لدرجة الكفر بالله عز
وجل من أجل البشر .... حقيقة أنا انصدمت ما عرفت أتكلم بعد ما قرأت الرسالة يعني وحدة تبيع نفسها
وسمعتها وأهلها والأهم دييييييينها عشان واحد ما يخاف ربه ومليون بالمية يضحك عليها ويتسلى فيها
بسأل سؤال واحد بس تتوقعوون ليش ؟؟؟؟ هل هو حب مجنون>> لااعتقد ... مشاكل نفسية ... ضعف إيمان ...
أنا من رأيي الشخصي أن هذا ناتج عن ضعف الإيمان بالله والبعد عنه ولا شك بأنه إضطراب نفسي لانه
لا يفعل ذلك إلا مجنون وأنا أحتقر اللي تسوي كذا بشدددددة .. أخوي أرسل لها إنها تتقي ربها وتبعد عنه
بس بدون فائدة طبعا أخوي عليه بعض الغلط لأنه لعب بمشاعر البنت وعلقها فيه وضحك عليها واستغل
نفسها الضعيفة وسذاجتها بس الحمد الله إنه تاااااااااااب لربه قبل فوات الأوان
يسعدني جدا تفاعلكم مع الموضوع وإبداء آرائكم بصراحة
لماذا وصلت الفتيات في العلاقات المحرمة إلى الكفر برب العباد ؟
أخواني أسألكم بالله ما هو تصرفكم لو قابلتم فتاة على تلك الشاكلة ؟
أحس إني طولت عليكم بس فعلا الموضوع يستحق أن نقف عنده ونناقشه بجد وبعقلانية
اللهم ثبت قلوبنا على طاعتك واجعل ألسنتنا عامرة بذكرك واحفظنا من كل شر وتب علينا ياتواب يارحيم
دمتم جميعا بمحبة وإحترام
منــــــــــــــــقــول