منتدى كبرياء انثى

اهلا وسهلا بك زائررنا الكرريمـ في منتدياات كبرياء انثى
نتمنى منكـ التسجيل بمنتدااناا وقضاء اجمل الاوقات فيه

تحياتي
مديره المنتدى كبريااءانثى
منتدى كبرياء انثى

خليجي سعودي لبناني عماني


    روايه ابيك زوجي.....

    شاطر
    avatar
    غموض
    عضوجديد~

    آلمــشــآآركــآت : 1
    تآريـخ التســجيل : 04/12/2010
    آلــعمــر : 27

    روايه ابيك زوجي.....

    مُساهمة من طرف غموض في السبت ديسمبر 04, 2010 1:18 am

    بسم الله الرحمن الرحيم....
    بصراحه تامه وكوني عضوه جديده ارى قلبي وفكري يستقران بالراحه لمنتدى كبرياء انثى لأدرج به روايتي وحصريااا واعتذر لكل صديقاتي بالمنتديات الاخرى ....فعسى الله ان يوفقني في اختياري وان ارى القبول والمحبه به.........
    اليــــــــــكم......
    البااااارت الاول
    دلال:
    يايمه انا مو حاطه أسد عند الباب..!! اللي يبي يجي حياه الله...
    ألام: بس يا بنتي يا حبيبتي كل اللي بعمرج تزوجو والبنات اللي نعرفهم ما قعدت منهم وحده..
    دلال: ادري ادري والله يايمه بس شتبيني اسوي الزواج قسمه ونصيب وانا لحد الحين قسمتي ما وصلت...
    يمه حبيبتي هالشي مو بيدي وانت اكثر وحده تعرفين وفاهمه هالشي أنا مو (رجال) عشااان اروح أخطب وله أدورلي ع بنت يمه انا بنت وأنطر اللي يجيبه ربي ......
    الام: ويعني دلال: يعني اني مستعجله ولازم الحين اروح الوزاره قبل لا يسويلي المدير محظر...بااااااي
    طلعت كعادتها وركبت السياره وغصب عنها انزلت دمعاتهاااا .....وهذي كانت حالتها كل يوم ..او بالأحرى كل ما يطري احد عليه سالفة الزواااج
    وبصوت عالي ...يارب والله مو بيدي ليش الناس ماترحم يعني اذا الوحده طولت في بيت اهلها يذبحونها بهالتحقيق ..اااااااااااه ادري اني حلوه حيل وموناقصني شي بس شسوي مو بيدي ياااارب ترزقني بالرجل الصالح اللي يحبني ويستر علي ويفكني من هذاااا الهم
    طلال:
    ركن طلال سيارته جدام احد الوزارات ونزل يخلص معاملته ولمن دخل كان المكان مليان ناااس وعالم (بختصااااار زحمه مووووت) تلفت بعيونه يمين ويسار ومبين انه كل الموظفين مشغولين بالي جبالهم زين شيسوي هو الحين لازم هالمعامله تخلص اليوم .....يله ماكو الا ينطر شيسوي بعد ...
    * * *
    دلال:
    كانت دلال مشغوله بالمعاملات اللي بيدها وكانت بين الحين والثانيه تتلفت بعيونا ع المكان كله ولمحت بعينا هذاك الواحد اللي ياخذ القلب معاااااه قاعد زهقان ومتململ وعيونه تتلفت بكل صووووب...!!!!
    وبعد ساعه من شوفتها له لفت مره ثانيه بناحيته لكن هالمره طاحت عينها بعينه وشكلها طولت نظرتهم لبعض...!!
    المهم وعت دلال ع روحها واشرت له تناديه ماتدري ليش نادته بس يمكن كانت بترقع لنفسها ...!!! طبعا قام الرجال من مكانه واقترب من مكتبها... وصار الحوار التالي
    #نعم اختي تامرين ع شي
    *اي اوراقك
    #لا تعليق عطاها الاورااااق
    *تفضل اخوي ..واتمنى مره ثانيه ما تقعد تنطر جذي احد مثلي يمشيلك معاملتك حرك نفسك وادخل بين الناس (موكل مره تلقى احد مثلي)....!!!!!
    #مشكورة ... بس ممكن أعرف ليش ناديتيني ؟؟؟ وخلصتيلي معاملتي ؟ مع إن عندج طابور مفروض انهم قبلي ..؟؟
    * فاجأها بسؤاله ..!!! ( بقلبها والله هذا مو صج انشالله ناطرني اقوله عشان عيونك الحلوه وله رجولتك الجذابه ؟؟)
    *كسرت خاطري.....وبسرعة قالت وبصوت عالي : إلي وراااااه
    # تعوبس طلال حس إن حست فيه ..

    * * *
    لمن وصل عند الباب قال بنفسه وجع ما تعرف تجمال حتى . انا ليش غبي وسألت هالسؤال ؟ يعني هالشي واضح شكلي كان يكسر الخاطر والله اني ضايع يعني شنو كنت متوقع مثلا تقولي لانك خذيت قلبي مثلا !! حمدلله والشكر
    دلال:
    لمن خلص الدوام وكل الموظفين طلعوا كانت دلال قاعدة تنطر وتنطر وتنطر .... مسكت البطاقة المدنية وقامت تلفها وتحركها بيدها وتقرى اسم صاحبها بالكامل ..طلال يوسف .....إلخ الجنسية كويتي تاريخ الميلاد 16-11-1975 والصوره ياربي لاااا تعليق .. شكلي نطرت واجد والساعة الحين 3 العصر الظاهر اني برد البيت والاخ اذا يبي بطاقته يجي باجر ..
    مر اسبوع كامل وهالطلال ما سأل عن بطاقته شفيه الرجال هذا لهدرجه مهمل مايدري عن شغله !! والله ماكو إله هالفكرة وشكلي لازم اسويها لمن خلص الدوام وفضى المكان فتحت جهاز الكمبيوتر وطلعت كل المعاملات الي بتاريخ 13-4 ها اها هذا هو اسمه اوكي ضغطتين ع الاسم وطلعت كل البيانات المعامله الي كان جاي عشانها مكان السكن والمواليد والتلفون .بس هذا الي نبيه .. طلعت الرقم وشجعت نفسها عشان تدق عليه كان الحوار كالتالي :
    # ألو نعم ..
    * السلام
    # وعليكم : خير اختي
    * لو سمحت اخوي انت مو فاقد شي ؟؟
    # شلون ؟ ؟ (استغراب تااام)
    *اقول ما فقدت شي هالايام او ضاع منك شي ؟؟
    #لو سمحتي ممكن توضحين اكثر ؟
    *بقلبها أكيييد أوضح أكثر مو بطاقتك ناسيها من ايام بتفهم شنو اقول يعني !!!!؟
    اخوي انت صارلك اسبوع ناسي بطاقتك بالوزارة ..
    # شلون ؟!!!ّ
    *هم شلون اخوي الي سمعته .
    # صبر شوي بس اتأكد ..
    * ليش تتأكد البطاقه كاهي بيدي
    # والله صج !!
    * بقلبها لا اتغشمر لوووووول اخوي تقدر تجي الوزارة الحين انا قاعده انطرك ؟
    # اوكي اوكي ساعة واكون عندج
    *لا ..لا ساعة واجد وانا لازم ارد البيت الحين الدوام خلص ..
    # شوفي اختي تقدرين تخلينها باجر.. ؟ لاني الحين مشغول بصراحة ..
    *اوكي اوكي باجر انشالله
    #مشكورة
    * مع السلامه ..
    باجر وفي بيت دلال:
    *صباح الخير يمه
    &صباح النور ياهلا...!!!
    قايمه نشيطه اليوم مو عوايدج؟؟
    *لييييش يعني انا كسوله مثلا
    & لا..!! بس مو نشيطه لهدرجه
    *امممم يمكن صج كلامج ..وهم انا مادري لييييش..!!؟
    &يله انشاله دوووم والله يعطيج ع قد نياتج
    *الله يسمع منج وااااامين .. تامرين ع شي انا طالعه ..؟؟
    &مشكوره حبيبتي وديري بالج وانتي تسوقين لا تسويلنا بلوه..
    *اوك اوك بااااي
    طلعت دلال وركبت سيارتهااا وبما ان نفسيتهاا اوكييي اكيد متكشخاا بختصار(اليوم احلا من كل يوم)
    اما امهاا ما قصرت دعتلها اول ما طلعت وقالت (عسى اللي مسبب فرحتها يستاهلها) قلب الام دليلهاا وطبعا تدري ان السالفه فيهاااا (ماااااان)
    في الوزاااره:
    *وينه هذاا ..؟؟
    # ياربي انا الحين دريت "تعال الوزاره بس عند منو!!؟؟ ومنو اللي دقت علي
    *اف اف اف والله مليت الاخ بيجي وله شلون يعني!!
    # ماكو الا ادق ع صاحبة الرقم
    *ألوووو
    #قوه
    *يقويك ..نعم
    #إنتي وينج (الاخت فزت وعدلت قعدتهاا)
    *لا لا انت اللي وينك عشان أأشرلك
    #انا عند عن....لحظه انتي اللي خلصت لي معاملتي
    *يب يب شكلك وصلت بر..(بقلبهااا زين زين والله وقام يشغل عقله ..تطور)
    #لا وانتي الصاجه وصلت لج ..!! ثواني وأكون عندج
    *حيااااااااك
    * * *
    #مشكوره وما تقصرين هذا من طيب اصلج
    * تسلم اخوي تسلم
    #طيب امممم شلون اقدر اشكرج اكثر؟؟
    * انت ماقصرت اخوي شكرتني وخلصت(تسوي روحها مو فاهمه قصده)
    #الظاهر انج مافهمتيني عدل
    *لا والله اخوي ..لوتوضح اكثر(ماكو شغل تكمل استعباط)
    #شرايج لو اعزمج ع فنجان قهوه...!!!لا تعلييييييييق
    *مشكور اخوي لكن هالشغلات مو دارجه بقاموسي
    #بس انا مصر
    *وانا ارفض
    #زين شرايج بحل يرضي الطرفين
    *أخوي..!! انا سبق ورضيت وخلاص
    #انتي رضيتي بس انا لحد الحين ما اقتنعت...
    *بقلبهاااا ياربي هذا شناوي عليه والله انه فااضي ...
    *لوسمحت انت شكلك فاضي وانا بصراحه العكس ورااي شغل واااجد
    #الاخ مصدوووووم ع الاخر عمره كله ما نرفضت دعوته بالعكس البنات هم اللي يدورونه دواااره وفكر وفكر وبعدين ردعليهاااا
    # ع كل حال مشكوره وما تقصرين .. بس ممكن ورقه وقلم...
    *تفضل..!! (شنو بعد بسوي الاخ والله مو كل حلوووو صاااحي)
    "خذاا الورقه والقلم وسجل لها رقمه وحطاها ع مكتبها وبتسم ورااااح
    دلال خذت الورقه بحركه لا شعوريه وحطته بجنطتهااا...!!!دلال مقتنعه بداخلها انها منجذبه له وتبيه ومدام حست بأنه مايل لها ماراح تهده إلا بتعلقه فيهااا أكثر
    * * *
    باجر:
    دخل طلال كليه الضباط العسكريه وقام يلقي محاااضره للطلاب اللي قريب يتخرجون ولمن خلص وارتاح بمكتبه طرت عباله دلال وقام يفكر فيها وشلون انهااا رفضت دعوته وكانت عادته كأي رجل عااادي ومو مهتمه له..(ياعم كله تمثيييل..لووول)تلقاها خذت رقمي وله لأ والله ماتوقع ..!!أف اف أ ف انا والله ضايع وكبرت ع هالسواف شفيني جني مو شايف خييير نطيت ع البنت نطه قشره والله اني ماكنت جذي شلي خلاني اصير جذي ..!!!(الاعجاب يا عمي يبيلها كلااااام )
    دلال:
    دخلت دلال بيتهم ونسرقت لغرفتهااا من دون لحد يحس فيها وقفلت الباب وراها (شكلها شكل الي مسويله سالفه خايف ينصاد فيها) المهم بطلت البنت جنطتها وطلعت الورقه ويوم شافت الرقم قالت ...فدييييت الرقم وراعيه...لا شعوريا هالكلمه طلعت من لسانها وطبعا الاخت حست ع روحهااا وقالت : وي مالت الحمدلله والشكر شفيني فديت الرقم وراعيه اللي يقول الحين معطيني خاتم خطوبتنا وانا مادري كله رقم ياعم الحركات هذي مو لي انا مو وحده مراهقه انا وصلت 26المفروض مني ما تمشي علي الحركات هذيييييييييييي
    ..........مرت اياااام والرقم هذا جنه بليس بجنطتهاااا أدق لالا لا بدق وي فشله شيبيقولون عني خارتها لمن كبرت لا لا ماني داقه اذا يبيني يدل بيتنااااا
    طلال:
    قعد طلال يطالع بناته التوأم ويفكر ..مسكينات شذنبهم انهم يعيشون بدون ام مثل باجي البنات ..!!لكن ماقول الا الحمدلله ع العافيه المهم اني عندهم ومو مقصر معاهم بس هم موسنع اني اخلي البنا ت مع الخدم يلعبون بأفكارهم والله مو سنع ..يعني الواحد لازم يتزوج ...زين واذا تزوج وين يلقا البنت السنعه اللي يأمنها بناته وين وين ..قطع افكاره صوووت التلفون وبلحظه حط الفوون عند اذنه وقااال ...ألوو ..قوه طلال شلونك ...هذااا انت ؟....وبقلبه ماااااات كل امل انها ادق عليييه,,,
    اللقااااا صااااار بالمووووول..ّ~:
    >>>مرت ع السالفه اسبوع ......
    .......دخلت دلال المجمع وقامت تدخل محل وتطلع من محل وتعبت امها العجوز وياهاااااا
    الام :يله يادلال متى بتخلصيييين ؟
    دلال :يمه هذا عرس رفيجتي عنووود ماتبيني اطلع حلوه يعني
    & بلا ابيج بس والله مليييت وانتي لحد الحين مو عاجبج شي
    *الله الله شرايج بهذا النفنوف مو حلو... اللون الاحمر يجنن علي
    &اي والله انه حلو اخذيه
    *اوك اوك خلاص اتنتي اخذي هالجيس وانطريني ع ما احاسب
    &يله زين انا انطرج بره
    ........خذت دلال النفنوف وقفت عند المحاسب ...يله بابا حاسب...ولحظتها اسمعت اصوات وراهااا وخذاها الفضول ولفت.....لا مو صج يكون اهو..بلا هذا هو ...وطبعا طلال بدوره لف وعلى طوووول عرفهااا مايبيلهاا كلام هذي هي و وقفو الاثنين يطالعون بعض من الصدمه والوناسه(بالعين وله الايدين بدينا بالسلام مش فكره يومها مين اللي بتدا بالكلام لاكن فكرى عنياااا لما جريت عليه ولأيت ألبي بثواني مليان منه غرااااام)لوووووول
    طارو الاثنين من الفرحه لكن وكالعاده الفره ماتكمل ...!!جت وحده من البنتين ومسكيت بيد ابوها "بابا بابا ابي هذا النفنوف حق عرس عمي فهوووود.....لاتعليق في اكبر من هالصدمه بالنسبه لدلال ولا وكملت عليها الثانيه لمن جت ومسكت ايده الثانيه ""بابا انا ابي هذاااااا""" (طلع متزوج طلع متز...متزوج)وعلى طول عرف طلال بلي في بالهاااا وكااان وده يوضحلها وضعه بس وين كلش مايمديه طلعت دلال من المحل والضيقه غالبه عليهاااا (كلهم جذي جذابين ...يعني انا شنو مجرد كنت وحده حلوه ويبي يستعبط عليها ..الحمدلله اني ما دقيت عليك الحمدلله...)أما طلال حااااول يلحقهااا بس هم مو حلوه بحقه رجااال طق عمره 35سنه ويلحق ورى البنت في المجمع ولو طاح عليه احد من معارفه شي واجه الناس فيه و يله ولو صار ولحقهااا شنو بيقولون عليه بناته خاصه وانهم بعمر يفهمون فيه اللي يصير جدامهم(عمرهم 6 سنين)
    &شفيج يمه مضايقه..؟؟
    *لا ولا شي يمه بس حسيت بضيقه فجأه
    &سلامتج حبيبتي تبين نروح البيت..؟
    *اي يمه جااان زين
    &لا انتي من صجج تعباااانه
    *يله يمه ..ابي هوااا جو المجمع قام يتعبني
    &يله يله بس منو يبي يسوق فيناااا ...لا تقوليلي بتسوقين وانتي بهالحاله...ّ!!!
    *اكيد يمه هو في غيري يسوووق
    &اي انا ادق ع اخوج ضاري يردنااااااا
    *لا يايمه صدقيني اقدر اسوووق
    &اكيييييييد؟
    *اكيدين بعد توكلنا ع الله
    &توكلنا........................
    * * *

    النحات
    عضوجديد~

    آلمــشــآآركــآت : 11
    تآريـخ التســجيل : 27/11/2010

    رد على القصه

    مُساهمة من طرف النحات في السبت ديسمبر 04, 2010 2:58 am

    صح السانك
    شو القصة الجميلة لك مستقبل زاهر
    avatar
    فراااوله
    عضوجديد~

    آلمــشــآآركــآت : 34
    تآريـخ التســجيل : 30/11/2010

    رد: روايه ابيك زوجي.....

    مُساهمة من طرف فراااوله في الإثنين ديسمبر 06, 2010 7:00 am

    حياك
    ويسلمووو عالروايه الحلوووه

    واصل ابداعك

    تقبل مروري
    avatar
    كبرياء انثى
    إدااريه

    آلمــشــآآركــآت : 366
    تآريـخ التســجيل : 09/05/2010
    آلــمؤقــع : http://kbrya-ountha.yoo7.com/profile.forum?mode=viewprofile&u=1

    رد: روايه ابيك زوجي.....

    مُساهمة من طرف كبرياء انثى في الخميس ديسمبر 16, 2010 3:49 am

    قصه خياااااااااااااااااااااااال
    من انساانه رووووووووووووووعه
    يعطيك العافيه ووااصلي ابدااعك باانتظاار
    تكمله القصه
    يالله والله متحمسه لهاا


    _________________
    avatar
    لغموضي عالم
    مشرفه~

    آلمــشــآآركــآت : 252
    تآريـخ التســجيل : 06/06/2010
    آلــمؤقــع : المريخ ....

    رد: روايه ابيك زوجي.....

    مُساهمة من طرف لغموضي عالم في الإثنين يناير 10, 2011 4:42 pm



    قصه رااائعه

    واصلي إبدااعكـِ

    بإنتظار جديدكـِ بفاارق الصبر

      الوقت/التاريخ الآن هو الخميس نوفمبر 15, 2018 3:30 am