منتدى كبرياء انثى

اهلا وسهلا بك زائررنا الكرريمـ في منتدياات كبرياء انثى
نتمنى منكـ التسجيل بمنتدااناا وقضاء اجمل الاوقات فيه

تحياتي
مديره المنتدى كبريااءانثى
منتدى كبرياء انثى

خليجي سعودي لبناني عماني


    رواية لقيت حبي اللي ابيه

    شاطر

    تصويت

    روايتي

    [ 0 ]
    0% [0%] 
    [ 0 ]
    0% [0%] 
    [ 0 ]
    0% [0%] 

    مجموع عدد الأصوات: 0
    avatar
    كلي ذووق
    عضوجديد~

    آلمــشــآآركــآت : 9
    تآريـخ التســجيل : 21/05/2011
    آلــعمــر : 24
    آلــمؤقــع : ممتاز

    رواية لقيت حبي اللي ابيه

    مُساهمة من طرف كلي ذووق في الأحد مايو 22, 2011 12:10 pm

    بسم الله الرحمن الرحيم
    انا بنت شيوخ كتبت لكم هذه الروايه الرومنسيه جدا وهي فيها من الخيال لكن حبيت اضيف لكم فيها من الواقع مثل الاشخاص واقعيين بس مغيره اسمائهم بداية الروايه
    بالاول اعرفكم على الشخصيات هم خمس بنات مزيونات اعمارهم مثل بعض 18سنه يدرسون في فصل واحد وكمان مدرسه وحده بالثانويه يهني اخر سنه لهم
    اعرفكم بالاولى—ملاك بنت وحيده ما عندها خوات عندها اخو واحد اسمه راشد اصغر منها بسنه وهذول الاثنين هم عصافير البيت
    الثانيه—الجوري هي الثانيه من خواتها عندها اخت اكبر منها اسمها الهنوف تدرس بالجامعه عمرها 20 واخت اصغر منها تدرس معها بالثانويه اسمها مها وعمرها 17 وعندها اخو واحد وهو الكبير اسمه مشاري وخواته يحببونه كثييير مخلص دراسته ويشتغل مع ابوه في الشركه عمره 21سنه
    الثالثه—نور طبعا هي الكبيرة ومن بعدها فهده عمرها17سنه ومنى اصغرهم عمرها 15سنه تدرس بالمتوسطه وعندها اخوان خالد20سنه ومتعب 19
    الرابعه—الجازي هي الثالثه من اخوانها سعود 21 سنه وفهد19 سنه واخر العنقود الدلوعه البندري16سنه
    الخامسه والاخيرة---- ذوووق وحيد امها وابوها دلوعه لكن بنفس الوقت حبوووبه وهي الكل بالكل
    طبعا كلهم اهل الجوري وملاك و نور يكونو اولاد عم واللجازي وذووق بنات خاله
    وكمان هاذي عائلة ابو حمد يكون عم ذووق حمد يكون اكبر اخوانه وعمره22 سنه ومن بعده سلمان 20سنه واصغر واحد فيهم عمره 19 واسمه فيصل طبعا ما عندهم خوات وهااذي العووائل كلهم ولله الحمد مبسووووطيين للاخر
    البارت الاول
    في بيت ابو ملاك
    ملاك-يمه يمه وينك من ساعه اناديك ماما
    اام ملاك=نعم وش تبين تنادين تراني ما ضعت انا موجوده
    ملاك-يمه لي ساعه وانا اناديك انبح صوتي والله وانا انادي وما تردين
    ام ملاك=انا كنت في المطبخ مع الشغاله ما سمعتك اجهز لكم الفطور
    ملاك=المهم الحين يمه ابي اطلب منك طلب صغيررون اد النمله ممكن يا احلى ام بالدنيا
    ام ملاك=نعم وش تبين اناشالله اللي تبينه شين زين وينفعك
    ملاك= اكيد يا يمه شي زييييين وينفعني
    ام ملاك= خلصيني قولي يا بنيتي
    ملاك-والله يا يمه لي مده ما زرت حبيبت قلبي جوجو ودي ازورها اليوم
    ام ملاك=هالحين هالصراخ كله يمه يمه وبعد من ذا الصبح تجيين وتقوليين لي ابي ازور جوجو حسبت تبين شي من السوق تبين اغراض وانتي ما عندك سالفه وبعد اليوم انتي ما تدرين انا عمك راح يجي
    ملاك-طيب يا يمه عمي بيجي انا وش دخلني فيه هو بيجي عند ابوي ولا بيقعد مقابل وجهي
    ام ملاك- ملاك اسمعي الكلام واقعدي طلعه مافيه وبذات اليوم انتي وش تبين يقول عمك بنت اخوي ما تلقتي في البيت اقلك اعقلي يا بنيتي
    ملاك-يمه تكفيين والله ما اتاخر عندها اليوم عيد ميلادها ومسويه بعد حفله يمه تكفين تكفين اترجاك يمه علشان خاطري يمه تكفيين
    ام ملاك-انا هذا اللي يقهرني حنتك علي ومشكلتي بعد ما اقدر ارد لك طلب بس اسمعيني ززين بعد المغرب روحي عندها وترجعين الساعه 9 تمام سامعه وياويلك ويا سواد ليلك لو تاخرتي
    علشان عمك راح يجي الساعه10 اوكي
    ملاك-مشطوورة يا احلى ام بالدنيا احبك مووت يا يمه لما تعصبيين يا حلوك هاذي بوووسه احلى صبباح لاحلى ام اممممممممووووووة
    ام ملاك-خلاص يكفي يا ام المصالح بعدي عني ولا ارجع الحين بكلامي الاولي
    ملاك-لالالا خلاص ببعد عنك يله انا بروح المدرسه تاخرت يله اشوفكم ع خير سي يو مام باااي
    ام ملاك- مع السلامه يا بنيتي الله يحفظك
    راشد- خسااارة يا يمه ياليت لو كاميرتي معي كان صورتكم مقطع فيديو ولا اقول فيلم واسميه القلب الحنوون وابنتها
    ام ملاك- انتم وش بلاكم اليوم اختك وهالحين انت يالعقرب ورى ما تروح لمدرستك الساعه7 تاخرت
    راشد-اففااا يا يمه هالحين انا العقرب الله يسامحك يالغلا المهم مامي يله سلالام بروح للمدرسه هالحين ينشب لي هالمدير يله تامرين على شي قبل لا اطلع
    ام ملاك=لا مابي شي تاخرت على مدرستك يله روح وانتبه على نفسك
    راشد- اناشالله يالغلا تامريين امر وحب راسها وطلع
    ام ملاك-مع السلامه يا ولدي الله يحفظك انت واختك من كل شر
    في مدرسه البنات
    ملاك-هلا والله بالحلوين كيفكم وشلونكم كيف الاجازة معكم
    الجوري- أي اجازة ياللي تتكلمين عنها ترى كلها يومين خميس وجمعه يوم الخميس قاعدة في البيت بين اربع جدران على التلفزيون ويوم الجمعه جت عندنا خالتي يعني تبين الزبده هاذي ما تتسمى اجازة
    ملاك-افااا يالعلم ما طلعتي مكان حسبتك طلعتي وانتي يوم االاربعاء بغيتي تطقين من الطفش
    الجوري – تتطنزين حضرتك
    ملاك- من قااااااااال ههههههههههههه
    الجوري- وش تبين اسوي السايق مع امي والهنوف راحوا للسوق وانا ومها ومشاري منطقين بالبيت
    ملاك-وش فيك يا نور على السايلنت اليوم مو من عوايدك وانتي ماشالله عليك كانك رادار ما تسكتيين ههههههههههه
    نور-ههههه نعم وش قلتي
    ملاك-هالكلام كله وما سمعتي اقول الجوري
    الجوري ---سمي يالغلا
    ملاك-وش فيها صديقتنا اليوم كله بس سرحانه مو على بعضها اخاف يكون واحد ماخذ عقلها
    الجوري-وانتي الصادقه يا ملاك نويييرررر
    نور- نعم نعم وجع وش تبون نور نور لجيتوني اسمعكم انا مني بصمخه
    ملاك-اجل وش فيك اليوم كله بس سرحانه وهيمانه
    نور- بكل نعمه تقول 00ااااه ه ه يابنات ياليتكم لو درون وش صار لي بالاجازة
    الجوري وملاك-وش صار قولي
    نور-بسم الله علي بتاكلوني
    ملاك والجوري –هههههههههههههههه قولي عاااد شنو اللي صار ترانا متحمسييين
    نور-والله يا بنات بغى يغمى علي
    ملاك-نور يله عااد قولي
    نور-وش رايكم احكي لكم بالفصل ما بقى على الفسحه شوي وتررن
    الجوري-لا انا ما اقدر اصبر قولي تراني متشوقه للسالفه
    نور-اقلك ما بقى على الفسحه الا دقايق ترررررررررررنرررررررررررررن وهاذا رن الجرس يله مشينا
    ملاك والجوري- يله هههههههههههه
    في الفصل كان عندهم حصص فراغ قلبوها سوالف
    ملاك-انا شالله تكون الاستاذة غايبه والله ما اطيقها في عيشة الله
    الجوري ونور-ههههههههههههههههه وانتي الصادقه ترفع الضغط
    نور- اقولكم القصه ولا
    ملاك والجوري-ههههههههههه قوووووووووووووولي
    نور- هههههههههههههههههاوكيه يوم الخميس صحيت من النوم الظهر الساعه1 ونص اخذت شاور وبعدها رحت اتغدى وخلصت غداي وبعدين رحت الصاله اشوف التلفزيون الا واخوي خالد يناديني رديت له سم وش تبي
    خالد-اليوم حكيت مع الوالد
    نور- وش حكيت معه اخيرااا قررت تتزوج ههههههههههه
    خالد- بلا سخافه يالغبيه نسيتي انا مخططين علشان نسافر بالاجازة للشرقيه
    نور- ههههههههايه والله وناسه ذكرتني تصدق راحت عن بالي الفكرة طيب ابوي وافق
    خالد-ايه وافق وبعد انا كلمت محمد ولد خالي يجي معنا
    نور-منو من عيال خالي
    خالد-سعوووود ما تعرفيه
    نور- اهااا سعوووووود كيف ما اعرفه الا احسن منك
    خالد-شلووووووووون ما سمعت
    نور-هههههههههههههههه ولاشي والله امزح
    خالد- احسب المهم جهزي كل شي ترى بعد بكرة راح نسافر
    نور- والله ابشر يا احلى اخو بالدنيا
    الجوري –قاطعتها وبعد وش صار اختصري الكلام ههههههههه
    نور- طيب وبعدها سافرنا بعد يومين للشرقيه حنا واهلل سعوود واستاجرنا شاليه على البحر وانا والبنات في غرفه اللي هم خواتي منى وفهده وخوات سعوود البندري والجازي وفي قسم الرجال اللي هي غرفة الشباب سعوود واخوه فهد واخوي خالد ومتعب
    ملاك-اهاهاهاهاها يا ربي نوور قولي المختصر عاااد ملينا
    نور-ههههههههههههه اوكيه وبعد تتشرطون
    ---الجوري ايه والله بدينا نمل قولي المختصر يا شيخه وخلصينا
    نور-المهم انا وخواتي وبنات خالي كننا مررة زهقانيين من القعده قاممت اختي وقالت بتسوي سباق برى الشاليه مافيه احد هناك انا من الطفش وافقت ع الفكرة وطبعا الكل ما صدقوا ع الله وافقوا ع فكرتها وطلعنا من الشاليه وبدينا بالسباق انا والبندري قمنا بالسباق الاول كنا نركض من المكان اللي حنا خليناها بداية السباق اللين النهايه عند الشاليه وجيت انا وسبقتها وفزت عليها ومن كثر تعبي من الركض قلت بدخل الشاليه والبنات كملوا السباق طبعا الاقسام كلها تتشابه المهم دخلت القسم الغلط اللي هو قسم الشباب
    ملاك-شنو ههههههههههههههههه لا يكون فيه احد
    الجوري- لقيتي واحد مزيييييييييون
    نور-تبوني اكمل ولا هه
    الجوري وملاك-شتم اب كملي ههههههههه
    نور-اول ما دخلت كان ما فيه احد غير سعوود وانا حسبالي مو موجود وكان جالس يقراء كتاب المهم دخلت وما فكرت باحد تخذت جك الماي وقعدت اشرب بكثره من كثر العطش ما استوعبت المكان انه مو قسمنا وبعد ما شربت وريحت شوي استوعبت الا وانا ماني بقسمنا حسبت اني رحت شاليه ثاني والمشكله شاليه الحريم بعييد شوي عن شاليه الرجال
    الجوري وملاك- ايووووة وبعدين
    نور-كنت انا ظر في المكان مافيه احد وبعدين مشيت للداخل لقيت سعوود قدامي هي ذاك الوقت حسيت قلبي كان بيوقف
    الجورري وملاك-هههههههههههههههههههههههههههههههههههههه وبعدين
    نور- بلا ضحك المهم واول ما شفته رحت للباب بطلع ما شفت الا والباب تقفل كان فيه رياح قويه وكنت احاول افتح الباب عيا ما ينفتح وكان سعوود يناظر فيني من اول ما دخلت والمشكله الباب ما ينفتح الا بالمفتاح وكان مع اخوي خالد وبعدين قعدت اصييح خايفه من اخوي يجي ويسوي لي مصيبه
    ملاك- طيب سعوود ما سوى شي ما حاول يفتح لك الباب
    نور-سعوود في ذاك الوقت ما ادري وش اللي صار فيه قاعد يناظر فيني من اول ما دخلت
    الجوري-والله يا نور شكل الولد خق فيك من اول نظره ههههههههههههههههههههه
    نور-اقول اكرمينا بسكوتك المهم انا بكيت بزياده الا والولد فز من مكانه
    سعووود-وش فيك تبكين كانك شايفه لك جني ترى ما راح اخفيك هههههههههههههههههه لا تخافين
    نور-في نفسها والله ان ما سكت بالنعال ع وجهك
    سعوووودد-طيب يا بنت خالي وش اسمك تصدقين ما اعرفه هو يعرفه بس يستهبل
    نور-هالحين بطل لاقافتك وافتح الباب قبل لا يجي اخوي ويقلب الدنيا
    سعووود- عاااادي لو يجي خالد اقوله الباب تقفل من الهوى
    نور- واللي يرحم والديك افتحلي الباب تكفى
    سعوود-بحاول افتح لك الباب لكن بشؤط وتنفذينه
    نورر-طيب اللي تامر به افتح الباب واخلص
    سعوود-في نفسه يالبى هالوجه من طلع لنا هالقمر
    ايه 00000وش اسمك يا حلوهه
    نور-وش تبي باسمي وين تحسب نفسك انت
    سعوود-بتقولييين ولا اقول اقعدي معي نسولف مع بعض هههههههههههههههه
    نور-صدق انك ما تستحي اسمي نورر يامالك العمى يله اخلص
    سعووود-ابيه تقولينه برواق بطيبة نفس
    نور- بتفتح الباب ولا لا
    سعوود-طيب قولي ومانتي بخسرانه شي
    نور-اسمي نوو يا ولد خالي محمد ارتحت هالحين
    سعوود-اموتتت انا فيذا الصوووت كذا الناس ولا بلاش اجل هالحين بفتح الباب دقايق يالغلا
    نور-في نفسها والله انك قليل ادب لكنك خقق ياولد خالي امووت انا في هالوجه الحلو
    سعوود- يله قومي هالحين الباب انفتح ياليته لو ما انفتح كان طقيتها معك سوالف ياحلوة هههههههههههههههههههههههههههه
    نور-وجع ابعد من عند الباب بطلع
    سعووود-باااي يانور عيني اناشالله نلتقي بصدفه ثانيه ههههههههههههههههههههه
    نورر-ولا في الاحلام يالورع ههههه
    سعووود-ههههههههههه يا حليلك يابنت خالي والله ما اخليك احس قلبي بدء نبضه وحبه لك
    اناشالله تعجبكم هذا البارت الاول اذا اعجبتكم راح اكمل الباقي ابي رايكم فيها وهاذي اول روايه لي انزلها في النت اتنمى تنال اعجابكم
    الكاتبه-بنت شيوخ
    [b]
    avatar
    كلي ذووق
    عضوجديد~

    آلمــشــآآركــآت : 9
    تآريـخ التســجيل : 21/05/2011
    آلــعمــر : 24
    آلــمؤقــع : ممتاز

    رد: رواية لقيت حبي اللي ابيه

    مُساهمة من طرف كلي ذووق في السبت ديسمبر 15, 2012 8:19 am

    السلام عليكم اانا التي كتب هالروايه اعتذر لكن شديد الاعتذار لغيابي الطويل وايضا لعدم تكملتي للروايه والان لم ارى ردود لكي اكملها يعني اذا شفت ردود بهالايام كثيرة راح اكملها وشكرا

    كلي ذوق
    عضوجديد~

    آلمــشــآآركــآت : 1
    تآريـخ التســجيل : 02/09/2014

    رد: رواية لقيت حبي اللي ابيه

    مُساهمة من طرف كلي ذوق في الثلاثاء سبتمبر 02, 2014 3:40 am

    جممميل استمري

      الوقت/التاريخ الآن هو السبت يوليو 21, 2018 1:22 pm